Thubuai hrang hrang nei ten Court-ah kal kher lova thubuai-a inremna an neih theihna turin Inrinni kalta Oct. 10, 2026 khan Serchhip-ah Lok Adalat thutkhawm chu neih leh a ni a, tun tuma Lok Adalat thutkhawm hi Serchhip District Court-ah neih niin Josangzeli Tlau MJS kaihhruaina hnuaiah neih a ni a, thubuai ngaihtuah tur 21 chhawpchhuah a ni a, heng zingah hian thubuai 12-ah inremna siamin thubuai dang 9 te chu hun danga ngaihtuah leh tura dah a ni a, thubuai hrang hrang chinfel hlut zawng hi Rs, 16,53,700/- a ni. Lok Adalat-ah hian thubuai neitute duhdan angin inremna siampui thin a ni a. Sum sen ngai lovin, Ukil rawih man ngai lova thubuai hi chinfel sak thin an ni.
