NHIDCL kutah kawng hlan

Zonuna Kawlni (LENKAWL) • October 12, 2026 • Comments • Mizoram

World Bank sum hmanga Mizoram State Roads II, Regional Transport Connectivity hnuaia laih zauh Tlabung - Kawrpuichhuah Road (TK Road) kawngpui chu NHIDCL kutah hlan a ni. Mizoram Chief Minister-in a lo sawi tawh angin, Tlabung atanga ramri dep Kawrpuichhuah panna kawngpui hi tunhnai khan Mizoram PWD chuan NHIDCL kutah a hlan fel a, KM 11.80 vela thui he kawngpuia lirthei veivak tan a sir tawna hnim chu hnawksak khawpa a sei tawh bakah hmun thenkhata Retaining Wall engemaw zat chu kawng tizim khawpin a chhe tawh nghe nghe a ni. NHIDCL hotute chuan Tlabung-a Doordarshan palai zawhna chhangin, he kawngpui thawmthat ngai laite siamthat hna thawhna turin cheng nuai 380 hu Tender an tihchhuah nghal thu an sawi a ni.