Election Commission of India thupek angin, Special Intensive Revision (SIR), Special Drive chu kar kalta Ningani, October ni 8, 2026 atang khan Serchhip District-ah pawh neih tan niin Special Drive neih tur atan hian ERO ten BLO te Training an neihpui nghal an ni a. He Special Drive neih chhung hian SIR 2026 neih hmaa Electoral Roll (Dt. 6.01.2025) a hming chuang, mahse SIR Final Roll (Dt. 7.09.2026) a hming awm ta lo te chu an chenna In-ah BLO ten an dinhmun enfiah turin an tlawhchhuak dawn a. India khua leh tui dik tak an nih chuan Form-6 hmanga inziaklut tura an hrilh dawn bakah, Electoral Roll-a dahluh leh an nih theih nan an pui anga, kum 18 tling thar vote nei thar turte pawh an zawngchhuak nghal bawk ang.
BLO ten heng mite hming list an siamte chu Political party ten an ruat Booth Level Agent (BLA)-te hnenah pawh a copy sem ve a ni anga, Field Verification tih zawhah ERO/AERO hnenah list hi an thehlut leh ang. Form-6 fill-up te hi ERO/AERO hmaah hearing neih leh a ni anga, a tul dan azirin Booth Level Camp pawh buatsaih a ni bawk dawn a ni. Biak In-ah neih a ni ang.
