Mipuite chi-ai lo turin chah

Disaster Management and Rehabilation Department changtu Minister Prof. Lalnilawma chuan tunlai ruahsur nasa avanga Mizoram hmun hrang hranga harsatna thleng mek ah mipuite chi-ai lo tura chahin harsatna tawk te chu thuneitute hnena thlen thuai thin turin a chah a. Khua leh veng tinah Zonal Officer an awm bakah Village Level leh Local Level-ah Disaster Management Committee a awm thu te, DC tinte kaihhruainain Disaster Management Committee din vek a nih thu sawiin, anni hnenah hian harsatna leh buaina tawk ten rang taka report thin turin a ngen a. DM&R a thawktute chu koh theiha an awm reng thu a sawi bawk. Hei bakah hian Minister chuan Smart phone application kaltlanga harsatna thlen theihna tur, Khuarel App chu hmang tangkai turin mipuite chu a chah bawk.