NSCST Hub chungchang inhrilhhriatna neih a ni
Ministry of Micro, Small and Medium Enterprise leh PHD, Chamber of Commerce & Industry Govt. of Mizoram te tangkawp buatsaih NSCST Hub chungchang inhrilhhriatna, Entrepreneur Awareness & Special Vendor Development Programme hi RD Minister, Prof. Lalnilawma chuan hmanpuiin khawvel thang zelah entrepreneurship chu India ram leh Mizoram-ah ngei pawh thil thangduang tak, a bikin Sawrkar inrelbawlna kawnga pawimawh tak leh thalaite cho phurna hmanraw pawimawh ber pakhat a ni tih sawiin, National SCST Hub chu chumi kaihhnawihah thil tangkai ber pakhat a nih thu a sawi a ni. National SCST Hub hi Sawrkar laipui chuan kum 2016 October thla khan Ministry of MSME hnuaiah ram chhunga ST leh SC, entrepreneurship lama tuite tan a din a, nimin thleng khian website hi Sawrkar leh mimal ang pawhin an hmang nasa hle a ni.