National Health Mission leh Jhpiego ten Health System tih chakna turin MoA an ziak
Health Minister Lalrinpuii Pisa-a thawhhona thuthlung an ziah ah hian Mizoram sawrkar aiawhin National Health Mission Mission Director Dr. R. Lalchhuanawma leh Jhpiego aiawhin India Country Director Dr. Amit Shah ten an hming an ziak a, he inremna hi Comprehensive Primary Health Care, Nutrition, Reproductive, Maternal, Newborn, Child and Adolescent Health (RMNCAH+A), Communicable leh Non-Communicable Diseases te pawh telin, health lama thil pawimawh hrang hrangah thawhhona leh intanpui tawnna tura duan a ni.
He hunah hian Health Minister Lalrinpuii chuan MoA sign a ni ta chu lawmawm a tih thu sawiin, Mizoram Sawrkar nen thawkdun turin Jhpiego-in intiamkamna an nei chu lawmawm a tih thu a sawi a. Mizoram-a Health System tihchakna tur leh mipuite hrisel nana Health Care tha siam turin thawhhona nghet leh chak a pawimawh hle tih a sawi bawk. Mizoram sawrkar leh Jhpiego ten thawhhona changtlung zawk an neih dawn tak avangin he MoA hi Mizoram Health System tihmasawnna leh tihchangtlung zelna kawngah rahbi thar chhinchhiahtlak tak a nih thu Health Minister chuan sawiin, he thawhhona hian hriselna kawnga hmasawn zelna turin Mizoram sawrkar a tanpui ngei a beisei thu a sawi bawk.
He hunah hian NHM Mizoram-a Mission Director Dr. R. Lalchhuanawma pawhin Jhpiego te nen thawhhona tha tak an lo neih tawh avanga lawmthu sawiin Comprehensive Health Care-ah nasa taka hmasawnna hmuh tur a awm tawh thu a sawi a. Jhpiego India Country Director, Dr. Amit Shah chuan MoA thil tum chi hrang hrang sawifiahin, NHM, Mizoram nena thawhhona tha tak neih ngei a beisei a sawi bawk.