Chapchar Kut Item tur ruahmanna siam

Tun thla ni 13-a Serchhip-a Chapchar Kut hman tur atan ruahmanna siam chhoh mek a ni.
Serchhip Bawrhsap hova thukhawmin Serchhip Chapchar Kut hman dan tur ruahmanna lo siam tura a tih, Working Committee chuan nimin khan an Chairman leh Addl. DC, Lalrinzuala hovin Chapchar Kut hman dan tur an ruahman a, kumin hian Town chhunga YMA Branch ten Cheraw (Kantluang) entir se, YMA Chhang ten ‘Tlang Lam’ entir se an ti bawk a, hei bakah hian mipui nawlpuite Lalvunga Zai hmangin Chai ho nise an ti a. Heng bakah hian MHIP Sub-Hqrs. Serchhip, Sub-Hqrs. YMA Cultural Troupe leh Govt. Ser-chhip College-a Phunchawng Cultural Club te chu Hnam Lam entir tura beisei an ni a, hei bakah hian Mizo thil hlui chi hrang hrang phochhuahna tur pawh ruahman nise an ti bawk.

Kumin hian Leisekawt Mual-ah Chap-char Kut hi hman tur niin Bawrhsap Paul L. Khuma chu Kut Thlengtu niin Kut Pa atan Minister, Prof. Lalnilawma chu beisei a ni a, chawhnu lamah zaithiam te nen hun hmang turin ruahmanna siam a ni a, Chapchar Kut Miss pawh thlan leh tur a ni ang.