Kum 2019-2025 ah kuhva tawlh thubuai 468 siam a ni

Zonuna Kawlni /

Home Minister K. Sapdanga chuan kum 2019 atanga 2025 chhungin Myanmar atanga kuhva tawlhruk avangin thubuai 468 ziahluh a ni thu leh mi 292 man an nih thu nimin khan Assembly Session-ah House a hrilh.

    Nimin-a Assembly zawhna leh chhanna hunah ZPM Member pathum VL. Zaithanzama, Lt. Col. Clement Lalhmingthanga leh Jeje Lalpekhluate zawhna chhangin Home Minister K. Sapdanga chuan, “Kum 2019 -2025 chhungin Myanmar atanga kuhva rah tawlhruk vangin IPC/BNSS hnuaia Prohibitory Order bawhchhiatna thubuai 109 leh Custom Act hnuaiah thubuai 359, a vaiin thubuai 468 ziahluh a ni tawh,” a ti a. Home Minister tarlan danin, kum 2019 - 2025 chhung hian kuhva tawlhruk avangin IPC/BNSS hnuaiah mi 184 leh Custom Act hnuaiah mi 108, an vaiin 292 man an ni tawh a ni. IPC/BNSS hnuaia Promulgation Order hmanga mante chu Judicial Magistrate-in IPC/BNSS in a sawi angin an hrem thin a, Custom Act hnuaia mante chu Custom Act hnuaiah hrem an ni a. Myanmar atanga dan loa kuhva lo kal hi dan lova kuhva tawlh hi dan anga man a, khap zel Mizoram sawrkar chuan a tum tih a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »