Governor in Thenzawl tlawh

Mizoram Governor Hari Babu Kambhampati chuan Inrinni khan zan khat riakin Thenzawl a tlawh.

Mizoram Larsap hi Thenzawl-ah hian Serchhip District Bawrhsap Nazuk Kumar IAS, Thenzawl SDO (Civil) Asvin Chandru leh Addl. SP Vanlalnghenga bakah sawrkar hotu ten an lo dawngsawng a, Governor chuan Thenzawl-ah khualzin te hipna tur hmun pawimawh tak tak a awm thu sawiin, sumdawnna leh Khualzin te hip turin Mizoram mipui te rilru inhawn a pawimawh thu a sawi a. Mizo thalai zingah entrepreneur tha tak tak an awm tawh thu leh kan thalai thluak tha leh a ngaihna hria te hian Tourism huangah sum tam tak a awm thu leh State tan sum tam tak an thawkchhuak thei tih hria se a duh thu a sawi a ni. Hei bakah hian Governor chuan Tourism huang ah hian kan sumdawng hausa te leh pawisa ngah deuh te pawhin sumdawnna nei tan se, Mizoram tan sum hnar tha tak a awm thei dawn a ni, a ti bawk.

Governor hi Thenzawl-a Golf Course and Resort-ah Inrinni zan khan riakin nimin khan Aizawl a pan leh nghal a ni.