Hri kai hmuh belh zel a la ni

Serchhip District-ah COVID-19 hri kai an la awm belh zel a, Inrinni thleng khan hri kai hmuh tawh chu 12,267 an tling tawh.

Inrinni khan Serchhip District-ah hri kai hmuhchhuah thar mi 127 zet an awm a, an zinga mi 114 te chu Rapid Antigen Test hmanga hri kai hmuhchhuah niin an zinga mi 28 te chu Serchhip-a hri kai hmuh-chhuah niin P&E Veng-ah 9, Vengchung-ah 5, New Serchhip leh Bazar Veng-ah mi 3 ve ve, Hmar Veng, IOC Veng leh Venglai-ah mi 2 theuh leh Chanmari Veng leh Chhim Veng-ah mi pakhat ve ve an ni.

Heng bakah hian Thenzawl-ah hri kai mi 15 hmuh niin Chhingchhip-ah 14, Khaw-lailung-ah 12, North Vanlaiphai-ah 11, Chhiahtlang-ah 9, Bungtlang leh Piler-ah mi 7 ve ve, Thinglian-ah mi 6, Hmunzawl-ah mi 4 leh Kanghmun South-ah hri kai mi pakhat hmuh an ni bawk. TrueNat Laboratory atangin hri kai mi 10 hmuh niin P&E Veng 5, New Serchhip South-ah mi 4 leh Field Veng-ah mi pakhat te an ni a, FIA hmangin Thenzawl-ah hri kai mi 3 hmuh an ni bawk.

Inrinni khan Serchhip District-ah hri kai enkawl dam mi 193 awmin nimin ah hri kai enkawl dam chhinchhiah belh an awm lo thung a. Heti hian Serchhip District-a hri kai hmuhchhuah tawh chu 12,267 niin an zinga 11,538 te chu enkawl dam ni tawhin hri kai enkawllai mi 700 an la awm a, hri kai zingah mi 29 an boral tawh a, nimin ah hri kai hmuhchhuah thar dinhmun hriat a ni lo thung.