ZPM Thalai ten Entrepreneurship and Handholding Livelihood Programme an hmang

Nimin khan ZPM Thalaite chuan Aizawl-a an Office-ah Entrepreneurship and Handholding Livelihood Programme an hmang.

ZPM Thalai Hqrs. hnuaia Entrepreneurship, Youth Empowerment and Development Department bultuma he hun hman ah hian ZPM Thalai President Malsawmzuala Ralte chuan rualkhai taka mitin thleng phak politics khelh a tul tawh hle tih sawiin, a huhova hmasawn a tul thu a sawi a. ZPM Thalai ten an phâk tawk chinah ramin hma a sawn a, rorelna dik leh fel, thalaite thleng phak a awm ngei theihna turin ke an pen thu sawiin, “Politics-ah hmai hnih neih a thiang lo,” a ti a. “Kan nunphung pangngai tho, Kristian kan nihna te, inkhawm thin, tawngtai thin, khawtlang-a inhmang thin kan nih angin, kan rilru puthmang pangngai nen politics kan khel mai tur a ni,” a ti bawk.

He hunah hian Jimmy Laltlanmawia, Secretary (i/c Policy) ZPM General Hqrs., SJ&DI Managing Director ni bawk chuan thalai kalkhawm te zirtirna pein Hofpar Business Solution chuan he huna tel te hi Certificate an pe bawk a ni.