Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

HIV/AIDS dona ah inrawnkhawmna neih a ni

Nimin khan Health Minister Dr. R. Lalthangliana hovin HIV/AIDS dona kawnga inrawnkhawmna neih a ni.

Health Minister Dr. R. Lalthangliana sawmna angin UNAIDS leh CDC (Centre for Diseases Control and Prevention) atangin an hotute Mizoram-ah rawn kalin nimin khan Aizawl-a SAD Conference Hall-ah he inrawnkhawmna hi neih a ni a, he hunah hian sawrkar Department mi pawimawh bakah Kohhran leh Central YMA aiawhte pawh an tel a. Health Minister chuan kan ram-a HIV/AIDS punlun mek hi Department pakhat chauh emaw, pawl pakhat chauh emaw do hneh chi a ni lotih sawiin, kan zavaia mawhphurhna a nih thu leh kan do tlan a tul zia a sawi a ni.

He huna tel te hian Drugs Abuse leh HIV Prevention chu High School-ah zirtirna pek nise tiin, HIV positive ten an dinhmun hriatchian nan Viral Load Machine dah te, Jail-a lut turte chu HIV/Hepatitis B leh C test neih bakah HIV/AIDS laka fihlimna leh inenkawl dan tur hrang hrangte sawiho a ni bawk.

Comments

Popular News (Last 30 Days)