Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

COVID-19 hri kai enkawllai 146 la awm mek

Niminpiah khan Mizoram-ah COVID-19 hri kai mi 29 hmuhchhuah belh leh niin nimin tlai thleng khan hri kai enkawllai mi 146 an la awm.

Niminpiah khan Mizoram-ah Sample 294 enfiah leh niin heng atang hian COVID-19 hri kai mi 29 hmuhchhuah an ni a, Sample enfiah atanga chhutin za zela 9.86 te chuan hri an kai a ni. Hri kai hmuhchhuah zinga 27 te hi Rapid Antigen Test hmanga Sample enfiah 263 atanga hmuh te niin Lunglei leh Mamit District-ah mi 8 ve ve, Kolasib District-ah mi 5, Saitual District-ah 3, Serchhip District-ah 2 leh Aizawl District-ah mi pakhat te an ni a. Lunglei District-a TrueNat Laboratory-ah Sample 6 enfiah ah hri kai mi pahnih hmuh ni bawkin ZMC-a RT-PCR Laboratory-ah Sample 25 enfiah niin hri kai hmuhchhuah erawh an awm lo thung.

Nimin khan Mizoram-ah COVID-19 hri kai enkawl dam mi 18 an awm belh ve leh bawk a, heti hian nimin tlai thlenga Mizoram-a COVID-19 hri kai hmuhchhuah tawh chu 2,28,255 niin an zinga 2,27,411 te chu enkawl dam an ni tawh a, hri kai hmuhchhuah atanga chhutin za zela 99.63 te enkawl dam ni tawhin hri kai enkawllai mi 146 an la awm a, hri kai zingah mi 698 boral tawhin Siaha, Lawngtlai leh Hnahthial tih loh District dang zawngah COVID-19 hri kai enkawllai an la awm a ni.

Comments

Popular News (Last 30 Days)