Latest News

Faina-ah hmalakna kalpui

Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.

SPMRM hmalakna tur thlirho

Nimin khan Rural Development Minister Lalruatkima hovin a Pisa-ah Khawzawl, Thingsulthliah leh East Lungdar RD Block huamchhung khaw hrang hranga Shyama Prasad Mukherjee Rurban Mission (SPMRM) hnuaia hmasawnna hna hrang hrang atana ruahmanna duan te thlirhona neih a ni a, SPMRM hian heng RD Block 4 hnuaiah khaw 48 huamin he ruahmanna hnuaiah hian hmasawnna hna chi hrang hrangte thawh thin a ni.

Comments

Popular News (Last 30 Days)