Mizoram-ah World Menstrual Hygiene Day hmang

Hmeichhia te thla tin thi neih chungchanga hriselna leh thianghlimna inzirtirna hun, World Menstrual Hygiene Day chu India ram State hrang hrangah National Integrated Forum of Artists & Activists (NIFAA) leh Project Baala tangkawp chuan Guinness World Record thar siam tumin an hmang.


World Menstrual Hygiene Day hi Mizoram-ah chuan NIFAA Mizoram Chapter leh Serchhip District North Vanlaiphai khuaa JJ Cultural Club tangkawp chuan an hmang a, he hunah hian KVK North Vanlaiphai-a SMS K. Lalmalsawmi chu Resource Person atan hman niin hmeichhia ten thla tin thi an neih chungchanga hriselna leh thianghlimna te, Hmeichhe taksa hriselna enkawl dan te, hnam hrang hrangin hmeichhe thi neih chungchanga puithuna atthlak an neih chanchin leh hmeichhe thla tin thi neih chungchanga hriattur pawimawh leh tih tur leh tih loh turte chipchiar takin a sawi a ni.

He hun hi NIFAA Mizoram Chapter-a State President leh JJ Cultural Club-a President ni bawk Jacinta Vanlalengzami chuan kaihruaiin World Menstrual Hygiene Day tobul leh he beihpuithlak in a tum te a sawi a, he hunah hian hmeichhe thi dawmna, Baala Pads a thlawna sem niin hei hi hman nawn theih, vawi 70 lai sûk theih leh kum hnih daih a nih thu sawiin, kalkhawm te hi Pocket hnih (2) theuh a thlawna dawn tir an ni. Mizoram-a World Menstrual Hygiene Day puala hun hmanna ah hian North Vanlaiphai-a Bangla Veng Self Helf Group hrang hrang te, Hrangturzo H/S leh A&M Grandchild H/S hmeichhe naupang te an tel a ni.

Comments

Popular posts from this blog

Volleyball S/F khel dawn