Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip-a END ten kar kalta ah Heroin No. 4 an man tam

Kar kalta chhung khan Serchhip-a Excise & Narcotics Department te chuan Heroin No. 4 tum thum zet an man.

Serchhip-a Excise & Narcotics Department te hian Zirtawpni zan khan Thenzawl Bazar-ah Heroin No. 4 Hawng 5 (gram 63.07) manin heng te hi Sahbawn bawm 5-a dah an ni a, hemi kaihhnawih ah hian Gospel Lalruatfela (28) Thenzawl Venghlun leh Lalrinfela (35) nia insawi te chu man an ni bawk. Hemi hma Ningani tlai khan Serchhip leh Thenzawl inkar Mualvawm ram-ah Heroin No. 4 Hawng khat (gram 11.76) chu Excise & Narcotics Department te hian an man bawk a, hemi kaihhnawih ah hian Lalhmangaihzuala (24) leh Zothansanga (19), New Serchhip Khawtetlang nia insawi te pawh man an ni bawk.

Nilaini tlai khan Excise & Narcotics Department te hian New Serchhip North-ah Heroin No. 4 man bawkin hemi ttum hian gram 9.27 man a ni a, hemi kaihhnawih ah hian David Zoremtluanga leh Lalhlimpuia Varte, Chhiahtlang Kawn Veng nia insawi te pawh manin thubuai siam sak an ni bawk.

Comments

Popular News (Last 30 Days)