Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

COVID-19 hri kai enkawllai mi 123 la awm mek

Pathianni khan Mizoram-ah Sample 46 enfiah niin heng atang hian COVID-19 hri kai mi 7 hmuhchhuah an ni a, Sample enfiah atanga chhutin za zela 15.21 te chuan hri an kai a, nimin khan hri kai mi 38 te enkawl dam an ni bawk.

Pathianni a hri kai hmuhchhuah mi 7 te hi Rapid Antigen Test hmanga Sample enfiah atang hri kai hmuhchhuah vek an ni a, Aizawl District-ah hri kai mi 3 hmuh niin Khawzawl, Lunglei, Mamit leh Saitual District-ah hri kai mi pakhat theuh hmuh an ni bawk a, Lunglei District-a TrueNat Laboratory-ah Sample enfiah pakhat awm bawkin hri kai hmuhchhuah an awm lo thung a ni.

Nimin khan Mizoram-ah COVID-19 hri kai enkawl dam mi 38 an awm belh ve leh thung a, heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh chu 2,28,298 niin an zinga 2,27,477 te chu enkawl dam an ni tawh a, hri kai hmuhchhuah te atanga chhutin za zela 99.64 te enkawl dam an ni tawh a, hri kai enkawllai mi 123 la awmin hri kai zingah mi 698 an boral tawh a ni.

Mizoram District 11 zinga District 8-ah hri kai enkawllai awmin Siaha, Lawngtlai leh Hnahthial District-ah hri kai enkawllai an awm lova, Aizawl District-ah 37, Lunglei District-ah 33 leh Saitual District-ah 18 te chu hri kai enkawllai tamna District pathum an ni.

Comments

Popular News (Last 30 Days)