SEDP tanpuina dawng tur thlang tan dawn

Nimin khan Serchhip-ah SEDP kalpui zel dan tur inzirtirna leh sawihona neih a ni a, SEDP tanpuina dawng turte hi Village Level-a Committee te chu thla thar, June 10, 2022 hmaa thlang tura tih an ni.


Serchhip DC Conference Hall-a he hun hman hi Serchhip Addl. DC Lalmuansanga Ralte chuan kaihruaiin Serchhip DRDA Project Director Malsawmtluanga chuan Mizoram Sawrkar Flagship Programme Socio-Economics Development Policy (SEDP) kalpui dan tur chungchang ah kalkhawmte zirtirna a pe a, he hunah hian District Level SEDP Committee Member te leh Village Level SEDP Committee-a Chairman leh Secretary te telin SEDP kalpui dan tura hriatchian loh awm te inzawhfiah a nih bakah sawihona hun hman a ni bawk.

Mizoram Sawrkar hnuaia Department thlanchhuah ah SEDP kaltlang hian eizawnna bultanna tur thlan tur awmin, SEDP dawngtu tur hi Village SEDP Committee ten an khua theuhah an lo thlang ang a, hei hi June 10, 2022 hmaa thlang tura tih niin heng an thlanchhuah te hi District Level SEDP Committee-a an thehluh hnuah State Level SEDP Committee-ah thlen leh a ni dawn a ni. SEDP thawh khatna (Phase-I)-ah hian Serchhip District-a Assembly Constituency pathum te atangin Assembly Constituency tinah chhungkaw 1500 zel thlan tura ruahman niin a vaiin Serchhip District-ah mi 4500 thlan theih an ni dawn a, heng mite bakah hian 2nd Phase leh a dang zel pawh a tahtawla kalpui tur a ni ang.

Comments

Popular posts from this blog

Volleyball S/F khel dawn