COVID-19 hri kai enkawllai 154 la awm mek

Nimin tlai dar 5:00 thleng khan Mizoram-ah COVID-19 hri kai enkawllai mi 154 an awm.

Inrinni khan Mizoram-ah Sample 220 enfiah niin heng atang hian COVID-19 hri kai mi 22 hmuhchhuah an ni a, Sample enfiah atanga chhutin za zela 10 te chuan hri an kai a ni. Inrinni-a hri kai hmuhchhuah zinga 21 te hi Rapid Antigen Test hmanga hri kai hmuh te niinFluorescent Immunoassay Test hmangin hri kai mi pakhat hmuh a ni bawk a, Lunglei District-ah 9, Aizawl leh Mamit District-ah mi 4 ve ve leh Serchhip leh Saitual District-ah mi pahnih ve ve an ni.

Zirtawpni khan Mizoram-ah Sample 332 enfiah niin heng atang hian COVID-19 hri kai mi 14 hmuhchhuah niin Sample enfiah atanga chhutin za zela 4.22 ten hri an kai a, an zinga 13 te hi Rapid Antigen Test hmanga hri kai hmuhchhuah niin Aizawl District-ah 5, Lunglei leh Saitual District-ah 3 ve ve leh Serchhip leh Mamit District-ah hri kai mi pakhat ve ve hmuh an ni a, ZMC-a RT-PCR Laboratory-a Sample enfiah pakhat chuan hri a kai bawk a ni.

Inrinni khan Mizoram-ah hri kai enkawl dam mi 15 awmin nimin khan mi 13 enkawl dam an ni leh bawk a, heti hian nimin tlai dar 5:00 thlenga Mizoram-a COVID-19 hri kai hmuh tawh chu 2,28,291 niin an zinga 2,27,439 (99.63) te chu enkawl dam an ni tawh a, hri kai enkawllai 154 la awmin hri kai zingah mi 698 an boral tawh a ni.