Latest News

Serchhip District kum 25 tlin lawmna District Bawrhsap hovin neih a ni

Image
Kum 1998-a hawn Serchhip District in kum 25 a tlinna, Silver Jubilee chu nimin khan Serchhip DC Office bultumin a lawmna neih a ni a. Serchhip District Silver Jubilee hriatrengna lungphun Serchyhip DC Office Tual a mi chu Serchhip DC David Lalthantluanga chuan a hawn hnuah DCConference Hall-ah Silver Jubilee lawmna hi neih a ni.

Serchhip District-ah ASF vangin Vawk thi awm leh

Serchhip District-ah African Swine Fever (ASF) avanga Vawk thi a awm ve leh ta a, hei vang hian Bawktlang khua chu Vawk hri lenna khua ah puan a ni bawk.

North Vanlaiphai-a Veterinary Officer Dr. MS. Dawngliana hnen atanga thu kan dawn danin tunhnai khan Bawktlang-a Vawk vulhna hmun pakhat-ah ASF hri kai nia rinhlelh an awm avangin RAT hmanga Sample enfiah a ni a, hetah hian ASF hri an kai nia hriat a nih avangin an Sample te hi tun thla ni 19 khan lain PCR hmangin Aizawl lamah enfiah tura thawn leh a ni a, niminpiah-a result an hriat ah ASF hri an kai tih finfiah niin ASF hri kai pahnih te hi hri vang hian an thi a, helai hmuna Vawkvulh 23 te pawh suat nghal niin heng zingah hian Vawk damlo mek te pawh an tel bawk a ni.

Hetiang Bawktlang khua ah ASF vanga Vawk thi an awm tak avang hian Serchhip District Sr. Veterinary Officer Dr. John Lalhnuna chuan he khua hi ASF hri lenna hmunah puangin Bawktlang khua atanga Vawk lakchhuah leh an khuaa Vawk lakluh khap a ni a, Vawk talh leh a sa zawrh pawh khap nghal a ni bawk.

Comments

Popular News (Last 30 Days)