Tourism Minister in hmanpui

Lunglei District chhung Haulawng khua a tihchhuah Lawhleng Weekly Newspaper chuan Inrinni khan an kum 21 tlin lawmna Hausiampa Hall-ah neiin he hun hi Tourism Minister Robert Romawia Royte chuan a hmanpui a, Media mi te chu thu dik tan tlat a, thlei bik nei lova thu puang darh thin tura fuihin, mipuite sukthlek siam saktu leh mipui rawngbawltu pawimawh tak an ni tih hre thar turin a chah a, Haulawng Field leh Volleyball Court chu nuai 30 senga siamthat thuai anih tur a puang nghal bawk. He hun hi MJA General Hqrs. President C. Lalrambuatsaiha leh MJA member ten an hmanpui bawk a ni.