Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

District 6-a kalpui tur VLDP Pilot Project hawng

Mizoram sawrkar-a Planning & Prog-ramme Implementation Department leh State Institute of Rural Development & Panchayati Raj (SIRD & PR) te tangkawp hmalakna thar, thingtlang khua hmasawnna leh intodelhna tur ‘Village Level Development Programme’ Pilot Project chu nimin khan Lunglei District-a Sekhum khua ah bialtu MLA leh MYC Chairman Dr. Vanlaltanpuia chuan a hawng.

He Pilot Project hawnna hunah hian Dr. Vanlaltanpuia chuan hmasawnna daih rei leh mipuite tana chhenfakawm nei turin a bulthut atanga hmalakna kalpui kan uar chho zel a tul takzet tih sawiin, he ruahmanna hnuaia beneficiary te chu an sum leh hmanrua dawn te anih tur ang taka hmang theuh turin a chah a. Sawrkar leh khawtlangin uluk taka zirna leh inrawntlanna an neih hnua ruahmanna fel tak siam tak chu beneficiary ten rinawm leh taima taka ti puitling ngei turin an chah a ni.

He Pilot Project hi Mizoram-a District 6-ah khaw pakhat theuh thlangchhuaka kalpui tur a ni a, Aizawl District-a Sialam khua ah Handloom; Lunglei District-a Sekhum khua ah Khuai khawi leh Balhla chin; Khawzawl District-a  Chawngtlai khua ah Handloom; Kolasib District-a Lungdai khua ah Water Reservoir; Mamit District-a Ailawng khua ah Tourism and Livelihood leh Serchhip District-a Leng khua ah Irrigation Canal hmalakna (Entry Point Activity) te kalpui a ni dawn a ni.

Heng khua ah te hian khawtlang din-hmun leh eizawnna kalpui dan tlangpui te uluk taka zirchian hmasak niin, khawtlang mipuite nen inrawn chungin Entry Point Activity te hi thlan-chhuah a ni a. VLDP hnuaia hmalakna te hi Sustainable Development Goals (SDG) thil tum hrang hrangte ti hlawhtling tura ruahman niin mipuite hnenah leilung leh ramngaw humhalh dan inzirtirna te pawh neih chhoh zel tum a ni.

Comments

Popular News (Last 30 Days)