Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

COVID-19 hri kai thar 45 awmin mi 16 an dam

Niminpiah khan Mizoram-ah COVID-19 hri kai hmuhchhuah pung leh hretin hri kai mi 45 lai hmuhchhuah belh leh an ni.

Niminpiah khan Mizoram-ah Sample 357 enfiah niin heng atang hian heng hri kai te hi hmuhchhuah an ni a, Sample enfiah atanga chhutin za zela 12.61 te chuan hri an kai a ni. Niminpiah a hri kai hmuhchhuah 45 zinga 43 te hi Rapid Antigen Test hmanga Sample enfiah 343 atanga hmuh te niin Aizawl District-ah 18, Lunglei District-ah 16, Saitual District-ah 6 leh Serchhip, Mamit leh Khawzawl District-ah mi pakhat theuh an ni a. Aizawl District-ah Fluorescent Immunoassay Test hmanga Sample enfiah 2 awmin hri kai mi pahnih hmuh an ni bawk a, ZMC-a RT-PCR Laboratory-ah Sample enfiah 7 awmin Aizawl-a TrueNat Laboratory-ah Sample 5 enfiah a ni bawk a, hri kai hmuhchhuah erawh an awm lo thung.

Nimin khan Mizoram-ah hri kai enkawl dam mi 16 an awm belh ve leh bawk a, heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh zawng zawng chu 2,28,182 niin an zinga 2,27,339 te chu enkawl dam an ni tawh a, hri kai hmuhchhuah atanga chhutin za zela 99.63 te chu enkawl dam an ni tawh a, hri kai enkawllai mi 145 la awmin hri kai zingah mi 698 an boral tawh a, District 8-ah hri kai enkawllai an la awm a ni.

Comments

Popular News (Last 30 Days)