Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip District BS&G President thar lalut

Serchhip District Bawrhsap Nazuk Kumar IAS chu nimin khan Serchhip District Bharat Scout & Guides President atan lakluhna neih a ni.


Serchhip District Bharat Scout & Guides President lakluhna puala inkhawm tawi Serchhip DC Office Chamber-a neih ah K. Lalliantluangi, State Commissioner (Guides) chuan Serchhip District Bharat Scout & Guides President thar hi rinawmna thu tiam tirin a lalut a ni. Bharat Scouts & Guides District President thar Nazuk Kumar-i chuan, naupang a nih laiin Scout & Guides a lo hmelhriat ve tawh avangin he an hun hman hi lunglenthlak a tih thu a sawi a. Scout & Guides te inzirtirna leh inkaihhruainate chu mimal, chhungkua leh khawtlang tan a tha em em tih sawiin, Khua leh tui tha nih theih nana thil pawimawh tak a nih bawk avangin a ngaihlu hle tih a sawi a. District President atana lakluh a lo nih tak avangin Scout & Guides inkaihhruaina te chu tha taka zawm a lo tum tur thu leh, an naupang enkawl mekte pawh an nitin nunkawng thu ah te, an thiamna leh theihna haichhuah sak kawng ah te, midangte tanpuitu ni zel tur leh khua leh tui tha ni tura zirtirna kawngah te nasa taka kaihruai chho zelin, Scout & Guides in a thiltumte tihlawhtling tura an thawhho zel tur thu a sawi a. Tunhnaiah leilung chhiatna thilah te, hripuiin min chim avangte in Scout & Guides tangkaina kan hmu nasa nia sawiin, “Kan uar deuh deuh a tul hle a ni,” a ti bawk.

Serchhip District Bharat Scout & Guides President lakluhna inkhawm hi Serchhip District Bharat Scout & Guides Secretary CVL. Hruaia chuan kaihruaiin Serchhip SP Stephen Lalrinawma pawhin he hun hi hmanpuiin thu a sawi bawk a ni.

Comments

Popular News (Last 30 Days)