Vantawng Gr. YMA in chak zawka ruihhlo do rel

/

Serchhip Sub-Hqrs. YMA huamchhunga awm Vantawng Group YMA chuan an Group huamchhungah chak zawka ruihhlo do nise an ti.


 Vantawng Group YMA hian nimin khan Golf Course Convention Centre-ah Rorel Inkhawm neiin aan President Chawngsangliana kaihhruaiin ro an rel a, Rorel Palai kalkhawm te chuan ruihhlo tihrem a nih theihna turin Vantawng Group YMA huamchhungah chak zawka ruihhlo do nise an tih bakah Faina kawnga hmalak chhunzawm an rel bawk a, Branch hrang hrang ten inang tlanga Chhiatni/thatni an kalpui theih nana inkaihruaina siam te, Thenzawl-ah BDO Office leh PWD Division a awm theihna tura hmalak te, Thenzawl Farm Veng leh Neihloh-ah Mobile Tower a awm theihna hmalak te an rel bawk a ni.

Vantawng Group YMA huamchhungah hian YMA Branch 13 awmin, heng zinga 9 te chu Thenzawl khawchhung-a awm niin Buangpui, Neihloh, Zote ‘S’ leh Kanghmun ‘S’ ah te Branch pakhat theuh a awm a, tun dinhmunah Member mipa 3874 leh hmeichhia 3337, Life member 127 te nen an vaiin member 7211 an awm a ni. Nizan khan Vantlang Inkhawm neih zui niin Serchhip Sub-Hqrs. YMA President Kawlthuama chuan a hmanpui a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »