Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip Dinthar Veng-a kut inthlakna thleng ah nu ber boralin thu zawhfiah turin a pasal lak a ni

Nimin May 29, 2022 (Pathianni) chawhnu lama Serchhip Dinthar Veng-a nupa kut inthlakna thleng ah Rosangzuali chu boralin hemi chungchangah hian a pasal Zobiaksanga chu thu zawhfiah turin Serchhip Police ten an man nghal.


Thudawn danin Zobiaksanga (35) s/o Vanlalawia, Serchhip Dinthar Veng leh Lungleng khaw mi, Rosangzuali (28) te hi kum 4 vel kalta a inneih kha niin Zobiaksanga te In hnuai hi tunhnai lawk khan an luah a, nimin chawhnu dar 2:30 leh 3:00 inkar vel khan an Inchhung-a kut inthlak thawm chu an thenawmte hian an hria a, hemi hnu hian Zobiaksanga hian In chunga a nau chu Phone-a biain ani hi a zuk chhukthlak chuan Rosangzuali hi an mutna pindan-ah a taksa ah hliam tuar-a thisen chhuakin a zuk hmu a, a chhungte hriattirin thenawm hnai ten an hriat hnuah khawtlang hruaitu ten Serchhip Police te an hriattir ve lehin Serchhip Police te a hmunah hian an thleng nghal a, buaipui ngai ang ang te buaipuiin Zobiaksanga pawh hi thu zawhfiah turin Serchhip Police Station-ah lak nghal a ni. Serchhip Police te chuan he thil thleng hi uluk taka chhui zui a nih dawn thu leh nimin tlai thleng khan Aizawl lama Forensic Science Laboratory-a thawktute nen inbe pawpin hma an la tih an sawi a ni.

Rosangzuali hian a taksa-ah hliam a tuar nasa hle nia thudawn niin an Inchhung hmun hrang hrangah thisen luang hmuh tur a awm bakah an In-a bang leh hmundang ah te pawh kut inthlakna hnuhma ni awm tak te pawh a awm nia thudawn a ni a, a lu leh hmai velah hliam nasa tak a awm nia thudawn a ni bawk. Rosangzuali hian a fapa kum 3 mi leh a fanu thla 6 mi te a kalsan a, a ruang hi Postmortem tur a nih dawn thu Police te chuan an sawi a, he thu ziah lai hian Lungleng lama a chhungte ruang la tur hian an rawn kal mek bawk a ni.

He thil thleng hi Police ten an chhui mek avangin thil thlen dan kimchang hriat theih ala ni lova, a tir lamah Zobiaksanga hian a nupui hi kut a thlak thu a sawi tih a hmuna hmutute chuan an sawi a, an Veng mi thenkhat te chuan Zobiaksanga hi Zu in ve zeuh zeuh thin a nih thu sawiin, a ruih chang erawh chuan thin butut nei nia an hriat thu an sawi a, tunhma lamin an nupa kut inthlak erawh an neih ngai an hriat loh thu an sawi thung a ni.

Serchhip Sub-Hqrs. MHIP President Lianthangi chuan an member Rosangzuali chunga chhiatna rapthlak tak a thleng chu Serchhip Sub-Hqrs. MHIP leh Serchhip Dinthar Branch MHIP te chuan pawi an tih thu a sawi a, Hmeichhe awmnem leh chak lo zawk te chungah Mizo mipa, an hmangaih em em ten kut an thlakna a thleng leh thin chu pawi an tih thu leh hetiang thil hi thleng tawh lo se an duh thu a sawi a. He vanduaina tuartu Rosangzuali chu an lainat thu a sawi bawk.

Comments

Popular News (Last 30 Days)