Mizoram-a Rel kawng chungchang sawihona nei

MizoramGovernor Hari Babu Kambhampati leh Mizoram-a rawn zin Union Minister of State for Railways Darshana Jardosh-i te chuan North East Frontier Railways (NFR) in KM 51-a thui Bairabi - Sairang Rel kawng a siam mek a hmasawnna leh hmachhawp dang an sawidun.

Nimin-a Raj Bhavan-a an inkawmna ah hian NFR hotute leh Rail India Technical and Economic Service Limited (RITES Ltd) hotu te pawh telin, NFR hian Video hmangin Bairabi - Sairang Rel Kawng hnathawh mek leh thlen chin te an sawifiah a. RITES Ltd. atangin Rel kawng leh Rel Station a awm ngei ngei tur thil pawimawh te, a siam dan tur chungchang leh a siamna tur sum dap theihna kawng hrang hrang te ngaihthlak a ni bawk.

He hunah hian Governor Hari Babu Kambhampati chuan Union MoS of Railways hnenah hian Mizoram tana Rel kawng pawimawh tak siam hna tha taka thawh a nih avangin lawmthu a sawi a. Mizoram mipui in he Rel Kawng hi chhawr tangkai hlan an nghahhlelh tawh thu te, kum 2023 kum tawpa siam zawh a nih hman loh pawhin March 2024-ah chuan siam zo ngei tura theihtawp chhuah chhunzawm turin a ngen a. Mizoram chhunga Rel kawng a rawn luh tak tak hunah chuan sum leh pai-ah Mizoram dinhmun a rawn thlak danglam dawrh dawn tih sawiin, tunah Aizawl leh Silchar inkar kalna atana khualzin pakhat senso Rs. 1000/- chuang emaw chu Rel a awm hun chuan Rs. 100 velah a tla dawrh dawn a. Aizawl leh Silchar inkara darkar 6 chuang hun khawhral thin chu Rel hmang chuan darkar 3 aia tlemah a tla dawn a. Bungrua leh Passenger phurhna man nasa taka tlawm zawk leh zin hun nasa taka pawh tawi chuan danglamna leh hmasawnna a thlen tur chu a lian tham hle dawn a ni, a ti bawk.

Union MoS of Railways Darshana Jardosh-i pawhin Mizoram in hun reilote ah Rel kawng tha tak a nei tur chu a lawmpui takzet tih a sawi a. Rel kawng te, KMMTTP, Border Trade Centre te leh National Highways te chu Project inthlunzawm vek a nih thu a sawi a. Heng Project te hi hun reiloteah a puitling vek dawn a, hemi hunah chuan Mizoram chu sumdawnna hmunpui leh sumdawnna kawtchhuah a ni daw tih a sawi a. Sairang atangin Mizoram chhim lamah Rel kawng siam tum a ni a; chumi atan chuan Survey pawh neih a nih thu a sawi bawk.

He huna NFR General Manager Anshul Gupta report-a tarlan a nih danin Sairang Railway Station chu an sa zo tep tawh a, Sairang Rel Station chu ‘Rel Station Changkang tak’ atan buatsaih mek niin sak zawk hunah chuan Khualzinmite thlenna tur Hotel tha leh thlen man tlawm te, Hospital te, Khualzinmite mamawh service hrang hrang leh Railway a thawkte leh helai chhehvela cheng mipuite hman tangkai tur hmasawnna ruhrel thenkhatte pawh he Station huam chhungah hian siam a ni ang.

Comments

Popular posts from this blog

Volleyball S/F khel dawn