Grape Wine hralhna ah harsatna siam lo turin ngen

Champhai District-a Grape chingtu pawl pahnih te chuan Grape Wine hralh kawngah eng harsatna mah siam sak lo tura sawrkar an duh thu an sawi.

Tun thla ni 27-a Mizoram sawrkar in Champhai leh a chhehvela Grape tharchhuah atanga Grape Wine siam a man sak thu kal zel ah nimin khan Champhai Grape Growers Society leh Hnahlan Grape Growers & Processing Co-operative Society te chuan thuchhuah siamin sawrkar-in an Grape Wine a mansak chu hriatthiam harsa an tih thu leh lungchhiatthlak an tih thu an tarlang a. Heng Society pahnih te hian kumin March ni 25 khan Mizoram sawrkar chuan Grape chingtu pawlte nen inhriatthiamna neiin Grape Wine siam a phalsak niin an tarlang a ni.

Society pahnih te chuan Winery atanga Grape Wine siam te chu zalen taka an hralh theihna turin Mizoram sawrkar chuan a rang thei ang bera hma laksak tura an duh thu te, Winery atanga siam Grape Wine an man te chu a bo abang awm lova pelet leh thuai tura an duh thu te, Grape Wine hralhna kawngah sawrkar in eng harsatna mah siamsak lo tura an duh thu te bakah kumin-a Grape tharchhuah July thla chawhnu lama seng a nih hma ngeia Fermentation Tank-a Grape Tui sawr sa awm te chu Mizoram sawrkarin a tihral dan ngaihtuah sak ngei tura an duh thu te an thuchhuahah chuan an tarlang bawk a ni.

Hetihlai hian Excise & Narcotics Minister Dr. K. Beichhua chuan tunhnaia END in Wine chungchang hi sawifiahin, Wine man tum ngawr ngawra thawkchhuak an nih loh thu leh Zu khapna Dan hman mek laiin Aizawl hmun laili ah zalen takin Zu zawrh a awm thu an dawn bawhzuina a nih thu a sawi a, hemi tum hian Cane Beer 100 chuang bakah Royal Stag leh Vodka um 26 leh Zu dang man nualin, chutah chuan Zu nena an lo dah kawp Wine an man tel niin Minister chuan a sawi bawk.

Comments

Popular posts from this blog

Volleyball S/F khel dawn