Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

State Level Agriculture Officers’ Meet neih a ni

Agriculture Department buatsaih ni hnih (2) awh State Level Agriculture Officers’ Meet chu nimin khan zawhfel niin Agriculture Minister C. Lalrinsanga chuan a hmanpui a ni.

Hripui leng avanga kum 3 zet hetiang intawhkhawm neih theih a nih loh hnuah tunkar Thawhlehni leh Nilaini khan Aizawl-a Agriculture Conference Hall-ah State Level Agriculture Officers’ Meet hi neih a ni a, he hunah hian Agriculture Minister chuan sawrkar hmalakna kal mek ‘Socio-Economic Development Programme (SEDP)’ hnuaia Vaimim chinte chu a hlawhtlin a, rah tha a chhuah ngei theih nan fimkhur leh thahnemngai taka kalpui a tul thu a sawi a. Vaimim eichhetu pangang ‘Fall Army Worm’ a lo lan leh tak avangin thawhrim lehzual a ngaih thu a sawi bawk.

Agriculture Minister chuan Mizoram-ah Lentil/Pulses (Dal) chin chhin pawh a tha duh hle tih hriat a ni tawh tih he hunah hian sawiin, ramchhungah Lentil indaihlohna phuhruk turin Mizoram-ah Lentil pawh tun aia uar zawka thar-chhuah chu kalpui a fuh a rin thu a sawi. SEDP hnuaiah tlangram loneih chauh ni lovin Wet Rice Cultivation pawh tihchangtlun zel tum a nih thu te, District tinah Vaimim dahthatna sak te leh Vaimim leh Bekang herna khawl dah chu hma-chhawp pawimawh tak a ni tih Minister chuan a sawi bawk.

Agriculture Department chu restructure a lo nih tak avangin Office pawh Directorate leh District Level bakah Block-ah te a lo awm ta a. Office kalphung a lo danglam a, Staff leh infrastructure indaihlohna nen chak zawka loneitute tan hna thawh a nih theih nan nimin khan Department Officer te leh Secretary leh Minister te chuan sawihona hun an hmang nghal a ni. He hunah hian Mizoram hmun hrang hranga Agriculture Department hotu pawimawh te an tel a ni.

Comments

Popular News (Last 30 Days)