Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

BCA ADMISSION OPEN

BCA ADMISSION OPEN
Govt. Serchhip College


1.  ENG NGE BCA?

BCA chu Bachelor of Computer Application a ni a, MZU hnuaiah Professional Course huang chhunga awm a ni.

2.  ENGTIA REI NGE ZIR NGAI?

BA, BSc leh BCom te ang thovin kum 3 (semester 6) chhung zir tur a ni.

3.  ENG CHININ NGE ZIR THEI?

Class 12 passed eng Stream tan pawh a zir theih.

4.  ENG NGE AN ZIR?

An zir tlangpui chu – Office Automation, Accounting, Programming, Networking, Web Development, Software Development, Software Engineering, Computer Graphics te bakah 5th Semester leh 6th Semester-ah Project khawih turte a awm bawk.

5.  ENG NGE ZIR ZAWM ZEL TUR?

BCA zir zawh hian MCA (Master of Computer Applications), MSc (IT), MBA te bakah mahni tuina lam Coding, Animation, Graphics Designing, Network Engineering, Digital Marketing leh thil dang tam tak an zir zawm thei.

6.  ENG HNATE NGE AN DIL THEIH A, AN THAWH THEIH?

  • Mi nazawngin an dil theih loh IT kaihhnawih lam hna zawng zawng an dil thei a, Sorkar hna eng pawh Graduate chinin an dil theih ang an dil thei vek bawk. Competitive Exam-a IT Subject-ah harsatna an nei ngai lo.
  • Entrepreneurship lamah an kal thei a, mahniin ei zawnna ngelnghet tak an kalpui thei.
  • Group A leh B hna atana Competitive Exam an hmachhawn vek thei.
  • Bank lam leh IT Sector-a hna pawimawh leh lian tak tak te hi an thawk thei vek bawk a ni.

7. KHAWIAH NGE ADMISSION TIH TUR?

Govt. Serchhip College-ah May 30 atanga June 20, 2022 thleng admission a tih theih e.

Chiang zawka i hriat duh chuan kan website gsc.edu.in/admission-ah hian prospectus download theihin a awm e.


Comments

Popular News (Last 30 Days)