Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Hri kai enkawllai mi 7 awm

Nimin tlai thleng khan Serchhip District-ah COVID-19 hri kai enkawllai mi 7 an la awm.

Nimin khan Serchhip District-ah COVID-19 hri kai mi pahnih hmuhchhuah leh an ni a, heng hri kai hmuhchhuah te hi Thenzawl khua ve ve an ni a, nimin vek khan Serchhip District-ah hri kai enkawl dam mi pahnih an awm leh bawk.

Heti hian nimin tlai thleng khan Serchhip District-ah COVID-19 hri kai hmuhchhuah tawh chu 13,985 niin an zinga 13,943 te chu enkawl dam an ni tawh a, hri kai hmuchhuah atanga chhutin za zela 99.69 enkawl dam an ni tawh a, hri kai enkawllai mi 7 la awmin hri kai zingah mi 35 an boral tawh a ni. Serchhip District-a hri kai enkawllai zingah Thenzawl khua tam berin mi 5 enkawl an la ni a, Serchhip leh Thentlang khua ah hri kai mi pakhat ve ve enkawl an la awm bawk a ni.

Comments

Popular News (Last 30 Days)