Serchhip District kum 25 tlin lawmna District Bawrhsap hovin neih a ni

MIZOFED Serchhip Branch chuan mipuite hman theih turin eirawngbawlna Gas, kg. 10-a rit, Indane Composite Cylinder, Smart Cylinder an tih bawk chu hman theih turin an chhawpchhuak ta a, a duh apiang tan khul theih a ni ang.
Hetianga Gas bur an peklet hnu hian a bur thar Security deposit Rs. 3550/- pek a tul thu leh hei bakah hian Gas man Rs. 836/- leh Administrative Cost Rs. 75/- chawi a ngai tih a sawi a, heng sum te an pek hnuah hian a bur thar hi pekchhuah a nih tur thu MIZOFED Manager chuan a sawi. A nawlpui ten kan hman mek eirawngbawlna Gas bur nen a danglamna pawh sawiin, tuna hmanlai hi Gas kg. 14.2 a rit lenna nih thu leh a bur nen chuan kg. 28-30 lai te a ni tih sawiin, tuna bur thar erawh hi chu a ruak kg. 6.3 vel chauh niin Gas pawh kg. 10 leng a ni tih a sawi a, hei vang hian a man pawh a hniam deuh tak thu leh a bur siamna hmanrua ah thir hmang tawh lovin, Plastic chi khat, High Density Polythene Pipe thuah thum (3) hmanga siam a nih thu leh hemi bakah hian a bik taka sawng-bawl Fibre Glass hmanga thuam leh a ni bawk tih a sawi a, pawnlam atangin Gas awm zat pawh hmuh mai theih a ni tih a sawi a ni.
MIZOFED Serchhip Branch Manager chuan tunah hian a vawikhatna atan heng Gas bur te hi a rawn thlen thu sawiin, a hmang duh te chuan an Office-ah engtiklai pawha ngaihven theih a ni tih a sawi bawk.
Comments
Post a Comment