Union MoS in Mizoram-ah Research Scholars' Hostel leh Faculty Development Centre a hawng

Union Minister of State for Education and External Affairs Dr. Rajkumar Ranjan Singh chuan Inrinni khan Mizoram University-a Research Scholars' Hostel leh Faculty Development Centre te chu a hawng.

Union MoS Dr. Rajkumar Ranjan Singh chuan Research Scholars' Hostel leh Faculty Development Centre hawng tura sawm a ni chu lawmawm a tih thu sawiin, Mizoram University chuan kum 2022 Impact Ranking a neih phak a vangin a chhuang hle tih a sawi a, Mizoram University chu India ram chhunga National Education Policy 2020 hmang hmasa pawl University a nih avang pawhin a lawmpui thu a sawi a. Mizoram University leh Mizoram Sawrkar te  Education hmasawn nan thahnem ngai taka an thawhho avangin MZU Campus leh Pachhunga University pawhin nasa takin physical infrastructure-ah hmasawnna a nei a ni, ti a. University hamthat nan central sawrkar chauh hmalakna a tawk loh thu leh State sawrkar nena thawhona tha a pawimawh tel thu a sawi bawk a; Mizoram University, Southern Campus hmalakna chungchanga harsatna an tawhte chu a hriatpui thu leh a fel thuai theih nan hma a lakpui tur thu a sawi bawk.

He hunah hian Mizoram University Vice Chancillor Prof. K.R.S Sambasiva Rao pawhin Academician leh MP ni bawk Union Minister of State Dr. Rajkumar Ranjan Singh chungah lawmthu sawiin, Mizoram University a thawktu zawng zawngin an lo lawm tih a sawi a. MZU chu India ram-a Research Project hmu hnem ber pawl a ni tih sawiin, COVID-19 pandemic chhungin cheng vbc. 100 chuang hmuh a ni tih a sawi a, North East chhunga University project hmu hnem thei ber a ni tih a sawi bawk. Hei bakah hian Covid chhungin MZU chuan webinars, seminars leh Meeting vawi 700 chuang a buatsaih theih thu leh India ramah pawh Research Papers publish hnem ber leh tha ber pawl a nih thu a sawi bawk a, hmasawnna tur tam tak la awm mah se, Mizoram University thawktute inpekna a zarah India ram University zinga upa lo tak a ni chungin a tha ber pawl a nih thu a tarlang a ni.

Tun tuma hawn tak Reseach Scholars Hostel hi NEC fund niin cheng vbc. 5.9-a sak a ni a, kum 2016 atanga sak niinImplementation agency hi Manipur Tribal Development Corporation a ni a, Room 39 a awm a, Room khat-ah Scholar pahnih zel an awm thei dawn a, Ground Floor bakah Floor pathum dang a awm bawk a ni. Faculty Development Centre hi Ministry of Education hnuaia sak a ni a, Pradan Madan Mohan Malviya National Mission on Teachers and Teaching hnuaia sak niin July, 2019 khan sak tan a ni a, cheng vbc. 3.14 seng a sak niin December 2021-ah sak zawk a ni a, chhawng thum a ni thung.

Comments

Popular posts from this blog

Tukverh-a tlasual boral