Remsiami’n Zirna In hrang hrangah hun a hmang

Synod Campus Ministry kaihhruainain Mizo Hockey Player, Asian Games Gold Medalist Lalremsiami Hmar chua nimin khan Aizawl-a zirna In hrang hrang- Mission Vengthlang-a Synod Higher Secondary School; Chawlhhmun-a St. James School; Lily Veng-a St. Anthony's Higher Secondary School; Durtlang Leitan-a Alpha Academy; Durtlang-a MFM Nursing School leh Synod Hospital-a College of Nursing te tlawhin hun a hmang a. Heng zirna In hrang hrang a tlawhnaah hian Lalremsiami Hmar chuan, Pathian avanga tun dinhmun thleng thei a nih thu leh eng kawngah pawh hlawhtling turin Pathian dah pawimawh hmasak a tul thu a sawi a, Zirlaite chu tum mumal tak nei turte, Mizoram chhung chauh ni lo, rampum huapa hmantlak ni tura tanla turin a fuih a, dinhmun tha a ding tura tumruhna leh taimakna a pawimawh rualin, mahni inthunun theih a pawimawh thu te pawh a sawi bawk a ni.