DPI hnuaiah khawsak awlsamna thleng

India chu khawvela mipui tana digital inkaihhruaina leh awlsamna siam kawnga sulsutu pawimawh berte zinga mi a ni a; Digital Public Infrastructure (DPI) hmangin nitin khawsakna leh sumdawnna kaihhnawih thilah kawng hrang hrangin mipuiten awlsam takin digital hmangin thil an ti thei tawh.

Digital Public Infrastructure (DPI) hi mipuite nitin khawsak, sumdawnna leh sawrkar inbiakpawhna thlak danglamna leh awlsamna thlentu a ni a; DPI kaltlang hian Unified Payments Interface (UPI) hmangin Bank hrang hrang leh Mobile app hrang hrangte chu system pakhata zawmkhawm a ni a, QR code Scan emaw, Phone number hmanga Second tlemte chhunga pawisa inthawn zung zung theihna mipuiin an hmang chho ta a ni. 

DPI kalpui a nih hnu hian sawrkar tanpuina te dik takin Direct Benefit Transfer hmanga dawn theih a ni ta a, Aadhaar leh Bank Account thlunzawm hmangin a dawngtu tur dik takte Bank Account-ah a lut nghal tawh a, eirukna leh hlemhletna thleng theite hei hian a titawp a ni.

DPI hian innghahna pathum - JAM Trinity a nei a; 'J' hi Jan Dhan tih niin, 'A' hi Aadhaar leh 'M' hi Mobile Connectivity tihna a ni a; kumin March thla thleng khan Jan Dhan kaltlang hian Bank Account vbc 57.71 hawn a ni tawh a, Aadhaar ID vbc. 144 chuang siam tawh niin, Mobile connectivity hi vbc. 125 chuang a awm tawh bawk. India chuan ram 24 nen DPI hnuaia thawhhona tur thuthlung a ziak tawh a, UPI hi ramdang pariat-ah a hman theih tawh bawk a ni.