Serchhip District-a Common Service Centre (CSC)/Village Level Entrepreneur (VLE) te telna, CSC/VLE Society Serchhip District te chuan nimin khan Dawngzawl-a Serchhip District Park-ah General Body Meeting neiin ah pawl hruaitu thlanna an nei a. Hun hmasa lamah an President, Vanlalpekhlua kaihhruaiin hun hman a ni a, Report hrang hrang ngaihthlak a nih bakah District Manager (DM), Cht Changrenga chuan thu a sawi bawk a ni.
Chawhnu lamah Rorel Inkhawm hmangin an pawl inkaihhruaina leh Service an pek hrang hranga rate te ennawn a ni a, zawhna leh chhanna hmangin hruaitu thlanna an nei a ni. Serchhip District-ah hian CSC/VLE hi mi 60 vel bawr an awm mek a ni.
