PMAY-U 2.0 hnuaiah In 1,90,000 sakna pawm

Khawpuia chenna In sakna tur Pradhan Mantri Awas Yojana – Urban 2.0 hnuaiah sawrkar laipui chuan In nuai khat chuang sak belhna tur a pawm. PMAY-U 2.0 hnuaiah hian sawrkar laipui chuan chenna In 1,90,000 chuang sak thar tur a pawm a, Union Ministry of Housing and Urban Affairs chuan heng In tharte hi Andhra Pradesh, Bihar, Chhattisgarh, Gujarat, Karnataka, Mizoram, Odisha, Sikkim, Telangana, Uttar Pradesh leh West Bengal-a sak tur a nih thu a tarlang a ni. Department of Urban Development Secretary Satendra Singh chuan In te hi mi harsa, khawpuia chengte tana sak tur a nih thu a sawi a, In sak dilna tualchhung atanga thehluh leh bawhzui kawngah sawrkar laipui, State, Union Territory leh tualchhunga thuneitute inkarah inbiak pawhna tha tak a awm a pawimawh thu a sawi bawk.