Lei dawh hna chawlhsan rih

Ministry of Home Affairs sum hmanga ramri a venhimna hna tihchakna tura Kawrpuichhuah a Lei (Bridge) dawh hna thawh mek chu chawlhsan lailawk a ni. Cheng nuai 3800 senna India leh Bangladesh inrina dep Kawrpuichhuah-a Lei dawh hna hi Lei dotu ban pawimawh a dik loh avanga hna tam zawk thawh that leh a ngaih dawn avangin chawlhsan mek a ni tih Central PWD hotute chuan Tlabung-a DDK palai zawhna chhangin an sawi a, Lei dotu tura Well foundation chu lui mawng lamah a luh thuk theih loh avangin ngil takin a ding thei lo tih sawiin, a Lei design thlengin duan that leh a ngai dawn niin an sawi. Tun dinhmunah he Lei dawhkai hna hi za zela 30 (30%) vel thawh zawh ni tawhin, metre 204-a thui, metre 5.5-a zau-a dawhkai tur a ni a, ramri hrula venhim hna thawhna tura inkalpawhna kawng sial - Border Patrolling Road chu he Lei sial mek hi pawhtir tum a ni.