Pathianni kalta tlai-a mi kut tuara boral ta Zakaria Lalhriattluanga thlavang hauhin nimin khan New Builum khawtlang mipuite chu Kolasib District Jail kawt-ah an pungkhawm a, he tualthihna avanga Police te'n an man mi 6 te chu an hmel hmuh an ngiat angin hmuh tir an ni a, thuziak chi hrang hrang an keng bawk a ni. He thihna avanga Police ten an man te hi Emmanuel Lalchhanhima (27), Lalhundika (29), Lalnunfima (26), David Remruatpuia (18), Malsawmtluanga (24) leh Zorem-thangi (38) bakah kum tling lo pahnih niin an vai hian Kawnpui Hmar Veng vek an ni.
