STA Assembly neiin MLA Trophy a titha lawmma sem a ni
Serchhip Sub-Hqrs. YMA Hall-a STA Assembly hi an pawl President Vanlalvuana chuan kaihruaiin Govt. Serchhip College Principal, C. Laldintluanga chuan khuallian niin a hmanpui a, Zirtirtu kalkhawm te fuihna thu sawiin, theihtawp chhuaha an hna thawk turin a fuih a. STA Secretary Samuel Saithuamliana hnen atangin Report ngaihthlak a ni bawk. Serchhip Teachers' Association hi kum 1973-a din niin Zirtirtu Pension thlah te, Transfer thlah te, Chhiat ni that nia intawiawm bakah Serchhip khaw mi, zirna lama mi chhuanawm te hnenah STA Award te an hlan thin a ni.
Nimin-a STA Assembly-ah hian Serchhip a zirlaite tana inelna an buatsaih thin, MLA Trophy-a tithate hnenah lawmman an hlan nghal a, MLA Trophy hi Category 7-ah thenin Primary School (Govt. & Non-Govt.), Middle School (Govt. & Non-Govt.), High School, Higher Secondary School leh College leh DIET zirlaite tan inelna neih thin niin School naupangte tan an zirlaibu atanga Syllabus siam sakin Higher Secondary School-te hi MPSC Group V Level base leh College leh DIET-te hi MPSC Prelims base-a question siamin an inel thin a. Kumin hian September 11 khan Exam hi buatsaih niin zirna In 27 atangin zirlai 192 an Exam a, a tithate hnena lawmman hi Bialtu MLA, Lalduhoma chuan MLA Fund atangin a tum a ni.
He hunah hian kum 2026-2027 chhunga STA hruaitu tur thlanna neih niin President-ah David Laldintluanga (Govt. Serchhip HSS; Vice President-ah Vanlalchanchinthahrilmawia (Govt Serchhip College); Secretary-ah Samuel Saithuam-liana (GHSS); Asst. Secretary-ah R. Lalrinawma (DIET); Treasurer-ah Lalnunpuii Pautu (Govt. PCR H/S) leh Fin. Secretary-ah R. Lalawmpuii (Govt. Hmar Veng P/S) te thlan an ni.