Electric Smart Meter a rintlak tih lantir ah ngai

Power & Electricity Department changtu Minister F. Rodingliana chuan Electric Smart Meter complaint runpui an buatsaih hun chhunga 1.62% chauhin complaint an thehlut chuan Smart Meter chu a rintlak tih a lantir nia a hriat thu a sawi.
Thuthar thehdarhtute zawhna chhangin P&E Minister chuan tun thla ni 7 atanga ni 9 chhunga Electric Smart Meter Complaint runpui an buatsaih ah khan complaint 1340 dawn a nih thu sawiin, heng zinga 1067 chu chinfel nghal niin a dang 271 chu a hmuna enfiah chhunzawm ngai an ni tih a sawi a. Heng enfiah ngaih 271 te hi thawktu ten an enfiah mek thu sawiin, a then chu an Meter kal chak nia sawi te a nih thu leh heng te hi enfiah a nih thu a sawi a. Smart Meter hman a nih hnuah kawlphetha hman dik tak a lang tawh a, Complaint thehlut zinga a tam ber chu an kawlphetha hman dik tak an chawi tak avanga tam ti an nih thu a sawi bawk.

P&E Minister chuan Complaint runpui chhunga Smart Meter vuah tawh atanga zaa 1.62 chauhin complaint an thehlut chuan Smart Meter an hman chu a rintlak tih a entir nia a hriat thu a sawi a. Tunah chuan Mizoram in kawlphetha a mamawh san lai berin MW 180 a ni tawh tih a sawi bawk.