Khawthlangtuipui-ah Cable Transport System siam tan

Khawthlangtuipui kân-a Oil Palm leh thlai dang thiarkaina tur, Cable Transport System chu Lunglei District Agriculture Officer hmalaknain siam tan a ni. Khawthlangtuipui-a inkalpawhna Lei dawhkai a la nih loh avanga Oil Palm hralh-chhuahna kawnga harsatna tawkte buaina chinfel nan Lunglei District Agriculture Officer (DAO) Dr. Samuel Lalliansanga hmalaknain Vantaikhawr-ah Ropeway siam hna hi thawh tan a ni a, Tuipui kam tawna ban rinchhana thlunkai hrui hmangin thir bâwm chu Bike engine hmanga pawhkai theih tura ruahman a ni. He Cable Transport System siam hna hi Aizawl Sihphir Veng-a hetiang lam siam thiamte khawihtir niin, he Cable Transport System hian quintal 5 vela rit thleng thlengin a zo turah ngaih a ni a, a siam hna hi Tlabung MPACS-ten buaipuiin an vil thung a ni.