Serchhip DEO leh EO ten BLO te an tlawhchhuak
Special Intensive Revision (SIR) 2026 chu Serchhip District chhungah ngawrh taka kalpui mek zel a ni a, tun dinhmunah BLO te hian Enumeration Form-te Portal-a thunluh (digitize) hna an thawk mek a. Hemi chhung hian an hna thawhna ah harsatna leh buaina an tawh loh nan te leh a tul anga zirtir leh tanpui an ngaihnaa pui turin DEO leh EO te hian BLO te hi an tlawhchhuak mek a. Nimin khan New Serchhip-II leh New Serchhip-IV Bial chhunga Booth Level Officer (BLO) te chu an chenna In-ah tlawhin an hnathawhna kawnga harsatna an neih te an zawtfiah nghal bawk a. District Election Officer (DEO) chuan BLO-te inpekna leh thahnemngaihna chu fakawm a tih thu sawiin, a tul hun apianga anmahni tanpui tura an awm reng thu a sawi a. Ram tana an inpekna leh thawhrimnaah lawmthu a sawi bawk a ni.
Special Intensive Revision (SIR) 2026 kalpui mekah hian nizan dar 6:00 thleng khan Serchhip District-ah Enumeration Form Digitization hi 97.79% zawh a ni tawh a. 26-Serchhip (ST) AC-ah Vote nei 21,186 awm zingah 20,576 te digitized tawhin hei hi za zela 98.18 a tling a, 385 hmabak ala awm a. 27-Tuikum (ST) AC-ah Vote nei 17,297 awmin an zinga 16,985 te chu digitized tawhin za zela 98.95 a ni a, tunah hian hmabak 182 ala awm bawk. 28-Hrangturzo (ST) AC-ah Vote nei 16,906 awmin heng zinga 16,414 te chu digitized a ni tawh a, za zela 97.09 niin hmabak 331 a la awm bawk. Serchhip District-ah hian Enumeration Form lakkhawm loh 443 awmin heng te hi Voters an awmna chin hriat theih tawh lo te an ni hlawm a ni.