MES tling thar te fuih

Zonuna Kawlni (LENKAWL) • June 17, 2026 • Comments • Mizoram

Mizoram Public Service Commission (MP-SC) in kum 2026-a Mizoram Engineer Service (MES) Exam a buatsaih a tling thar mi pasarih (7), PHE Department a thawkte chu nimin khan PHE Minister Prof. Lalnilawma chuan a Pisa-ah lawmpuina leh infuihtharna neih pahin thingpui a inpui a. Minister chuan Engineer te chu Department mai bakah Mizoram hmasawnna lungphum an tih sawiin, MES Officer thar te chu mipui ta an ni tih a sawi a, “In hnathawh leh hmalakna apiang mipui leh ram hmasawnna atan ni zel rawh se,” a ti a. Mipuiin an mamawhna ah chuan theihtawp an chhuah a, a tul anga mipui tanpui thei tura kawng an zawn zel a ngai tih sawiin, Sawrkar kutke an nih avangin rinawm leh taima takin hna an thawh a tul tih a sawi bawk.