Mizoram tharchhuah Organic Aieng ro cheng nuai 26.6 man State pawnah thawnchhuak
Cheng nuai 26.6 man Aieng ro te hi Rangvamual-a Ch. Saprawnga Truck Terminal atangin Adviser to Chief Minister Dr. KC Lalmalsawmzauva chuan vailiamin Mission Organic Mizoram (MOM) te hmalakna a Organic Aieng ro hralh a ni chu lawmawm a tih thu sawiin, Sawrkarin thlai thlanbik Market an buaipuina kawnga thil pawimawh ber pakhat chu Chemical tel lo - Organic a nih thu a sawi a, Mizoram chu Organic State a siam tumin hmalak mek a nih thu sawiin, khawvel changkang zelah mihringte kan duhtuiin, eitur-a damdawi leh chemical telh chu a hnawng chho zel a. India sawrkar pawhin ngaipawimawhin, Chemical tel lo, National Mission on Natural Farming atan cheng vbc. 750 Buget-ah a dah thu sawiin, Mizoram-ah pawh khaw engemaw zatah kalpui turin Agriculture Department ten hma an lak mek thu leh Mizoram chu chemical hman tlemna ram a nih thu a sawi bawk.
Department of Agriculture & Farmers’ Welfare in Mission Organic Mizoram kaltlanga hma a lakna - MOVCD-NER hnuaia Mizorama Farmer Producer Company din - Tlabung Turmeric Farmer Producer Company Ltd., Zodin, Tlabung te hian Aieng tharchhuah cheng nuai 26.6 man chu Assam lama buyer hnenah an thawnchhuak a. Tlabung FPC hian Dried Turmeric Finger, Metric Tonne 25 chu kg-ah Rs. 106.4 zela hralhin, cheng nuai 26.6 zet an hmuchhuak a. Tlabung Turmeric FPC Ltd. hnuaiah hian Organic Aieng chingtu intelkhawm Member 500 an awm a ni.
MOVCD- NER hi State Lead Agency Mission Organic Mizoram, Department of Agriculture & Farmers’ Welfare te hmalakna niin, Phase III zawhfel a ni tawh a, Phase IV kalpui leh mek niin Organic FPC 41 ziahluh a ni tawh a, heng FPC 41 hnuaiah hian Organic Farmer 27,604 ziahluh an ni tawh a ni.