Sawhthing hralhna ah Support Price vbc. 22 pe tawh

Zonuna Kawlni /

Mizoram-a tharchhuah Sawhthing hralhnaah sawrkar chuan Support Price cheng vbc. 22.53 a pe tawh a; Support Price pek theih tura Secondary Collection Centre (SCC) kaltlanga Sawhthing hralh theih hun chu Inrinni, May 30, 2026 khan khar a ni.
 Mizoram Sawrkarin kumin-a Support Price pek theih tura SCC kaltlanga Sawhthing hralh theih hun a bituk chu Inrinni, May ni 30 thleng kha a ni a, hriat theih chinah Mizoram District 11-ah Sawhthing quintal 1,38,376 hralh a ni tawh a; sumdawngte chuan kuthnathawktute hnenah Sawhhting an leina man cheng nuai 3492.11 an pe tawh a ni. Sawhthing hralh tam berna Champhai District-ah quintal 35,448 hralh a ni a, a tlem berna Kolasib District-ah quintal 2113 hralh a ni tawh bawk. 

Mizoram Agriculture Marketing Board (MAM-B) hotute chuan, kuthnathawktuten Sawhthing an hralhna man-a Rs. 50 a tlinlohnaah sawrkar chuan Support Price pek a tiam thu leh tun dinhmunah Support Price hi cheng vbc 22.53 pek a nih tawh thu an sawi a, Support Price pek tur hi District lam atangin ala luh belh mek a, pek chhunzawm zel tur a nih thu an sawi a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »