Sawrkar laipui Ministry of Rural Development a Joint Secretary Tanuja Thakur Khalkho-i chuan Zirtawpni leh Inrinni khan Serchhip District rawn tlawhin Rural Development Department hnuaia Mizoram State Rural Livelihood Mission (MzSRLM) hmalakna hrang hrangte a tlawh a. Zirtawpni khan Baktawng Tlangnuam-a MzSRLM hmalaknaa Furniture siamna leh Aluminium hmanga bungbêl siamna hmun te, Chhingchhip-a Ropuiliani Women Farmer Producer Company Limited te enkawl Aieng, Sawh-thing leh Hmarcha sawngbawlna hmun te tlawhin Inrinnni khan Thenzawl-a Vantawng Cluster Level Federation Pisa tlawhin, Self Help Group memberte hmalakna hrang hrangte a tlawh kual bakah Puantahna hmun te a tlawh bawk.
Heng hmun hrang hrangte a tlawhna ah hian Khalko-i chuan hna thawktute kawmin, an mamawh leh harsatna te a ngaihthlak sak a; MzSRLM hnuaia SelfHelp Group member-te hmalakna te chu chhuanawm a tih thu sawiin, harsatna an neihte pawh theih ang anga chinfel dan zawnpui a tum thu a hrilh bawk a ni.
Comments
Post a Comment
I ngaihdan i sawi hian mipui ngaihdan i tarlang a ni!