CBI ten Lengpui ram an chhui

Zonuna Kawlni /

Central Bureau of Investigation (CBI) chuan Indian Air Force tana Lengpui ram-a mimal ram lei chungchanga dan bawhchhiatna awm ni a sawi chu an chhui tan.

Lengpui-a Parchhingchheng ram an tih a tira neitu (original land holder) thenkhatin Akashvani News Aizawl an hrilh danin CBI Officer-te hi tawng lettute hruaiin Lengpui khua-ah kar kalta Ningani khan an kal a. A tira ram neitu thenkhat chu Lengpui VC House-ah kokhawmin thil an zawtfiah a. Hetah hian Lengpui VC pawh koh ve an nih thu an sawi a ni. CBI Official-te zawhna chhangin ram neitute chuan sawrkarin an ram a lei khawm tih an hriatpui hauh loh thu leh an hming ziah hnan ni a lehkha thenkhat a lang pawh chu anmahni ziah a nih loh thu a sawi a. An hming ziah ni awm tak chu a lem a nih thu an sawi a. VC-te pawhin mimal ram laksak a nih leh ram pass leh a nih dawnin ram teh a awm a nih pawhin an hriatpui loh thu an sawi bawk.

Lengpui ram lei chungchangah hian Mizoram Pradesh Congress Committee chuan Aizawl-a CBI Site Office-ah FIR an thehlut a, MNF Legal Board pawhin Chief Secretary, Chief Vigilance Officer ni bawk hnenah CBI kolut tura ngenna an lo thehlut tawh a. Sawrkar pawhin he thil hi CBI in an duh anga an chhui theih nan General Consent pekna atana hriattirna a chhuah tawh a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »