Khawruhlian khaw hnuaia kawng siam mek PWD Minister in a hmuna a tlawh

Zonuna Kawlni /

Kumin Fur ruahtui tla nasain a tihchhiat Khawruhlian khaw hnuaia NH-02 thawmthat hna kal mek chu nimin khan PWD changtu Minister Vanlalhlana chuan a hmunah kalin a enfiah.

Public Works Department (PWD) Minister Vanlalhlana hian Mizoram hmarlam tlangdunga khawkar kawng hrang hrangte hi tlawhin nimin khan Khawruhlian khaw hnuaia NH-02 kawng thawmthat hna thawh mek hi a enfiah a, Khawruhlian khaw bula NH-02 kawngpui hi kumin July thla leh September thla khan metre 50 vela zauin hmun hnihah lirthei kaltlang theih lohin a tlabal a, PWD ten chak taka hmalain tunah hian temporary-in thawmthat hna thawk mek a ni a, lirthei pawh a tlantlang leh thei tawh a; Special Repair Estimate cheng vbc. 2.65 chu September 9 khan Ministry of Road Transport & Highways-ah thawnthlak a ni tawh bawk.

PWD Minister hian kumin October 21-23 a Sakawrdai-a Inkhawmpui Lian neihna tur atana inbuatsaihna ni pahfawmin leh mipuite tan zin veivahna nuam leh him zawk a awm theih nan Mizoram hmarlam tlangdung kawng hrang hrangte Sakawrdai thlengin a tlawh leh bawk a; Mauchar, Serkhan leh Bagha inkar kawngte bakah Sihphir leh Durtlang inkar kawngte pawh a tlawh leh bawk dawn a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »