MYC Chairman in Japan Minister a kawm

Mizoram Youth Commission (MYC) Chairman Malsawmzuala Ralte leh ODS to Chief Minister Jonathan Lalremruata te chuan nimin khan Takashi Ariyoshi, Minister & Deputy Chief of Mission, Embassy of Japan chu a Office-ah an kawm.

    He an inkawmna ah hian MYC Chairman chuan Mizo thalai engemaw zat Japan-a hnathawk mek an awm thu leh thawk tura inbuatsaih a, Japan tawng zir mek thahnem tak an awm thu sawiin, heng Mizo thalaite hi Japan tawng an zir zawhah exam turin Delhi-ah an kal thin tih a sawi a, an pass hnuah visa dil turin Delhi-ah bawk an kal leh a ngai thin chu a hnai zawk, Kolkata-a Japan Consulate Office-a tawng exam leh visa dil theih tura ruahmanna siam turin a ngen a. Hei bakah hian Mizo thalai Japan tawng exam pass tawh, Japan-a hnathawhna tura lehkha nei tawh, visa dilna tihkhawtlai avanga harsatna tawk an awm thin thu pawh sawiin, amah pawhin a rang lama tihfelsak tura ngenna lehkha a ziahsak thin thu a sawi a. Japan tawng zir zo tawhte tana Aizawl-a exam theih tura ruahmanna siam turin an ngen bawk. Heng an ngenna hi Ariyoshi chuan an lo enzui ngei dawn thu a sawi a ni.